O 11 de abril Solvay anunciou que pretende comprar Rhodia por €3.000 millóns. Este é o último anuncio nunha longa lista de adquisicións dentro da industria química, nun ano que parece baterá marcas. O número de adquisicións vén motivado por un mercado que se recupera da crise económica e que volve dispor de efectivo tras 3 anos de fortes reaxustes.

Solvay compra Rhodia

Specialty polymers of Solvay

Specialty polymers of Solvay. Source: Solvay

Os produtos principais do grupo belga Solvay son o carbonato sódico, o peróxido de hidróxeno e os polímeros especializados. Emprega a 16.800 persoas en 40 países e en 2010 tivo unhas vendas de €7.100 millóns. En febreiro de 2010 finalizouse a venda do negocio farmacéutico a Abbott por €4.500 millóns, o que centrou o seu negocio na parte química e probablemente facilitase a compra de Rhodia. Pola súa banda Rhodia emprega a 14.000 persoas globalmente e en 2010 as súas vendas foron de €5.230 millóns en 2010. A súa estrutura resulta algo complicada xa que inclúe 5 clústers e 11 unidades de negocio. Os principais produtos de ambas están resumidos na seguinte táboa:

Solvay Rhodia
Productos Químicos Acetato de celulosa
Materiais avanzados Difenoles e derivados
Produtos de bario e estroncio Plásticos
Cloruro cálcico Compostos derivados do flúor
Soda caústica Derivados do fósforo
Clorinados Productos intermedios de poliamida
Compostos derivados do flúor Fibras de poliamida
Produtos de magnesio Precipitado de silica
Peróxidos Terras raras, alúminas e óxidos
Poligliceroles Salicílico e derivados
Precipitado de carbonato cálcico Disolventes
Bicarbonato sódico Polímeros especializados e monómeros
Polímeros especializados: Ver figura Ácido sulfúrico e servizos
Surfactantes
Fibras textis

No amigable acordo de compra, ambas as empresas consideran que o grupo resultante terá unhas vendas de €12.000 millóns, das cales o 40% será en países emerxentes. A este respecto Solvay está fortemente implantada en China, mentres que Rhodia é máis activa en Rusia ou Tailandia. Isto favorecerá o crecemento da empresa resultante nestas zonas.

Un ano cheo de adquisicións

Pero a compra de Rhodia por Solvay non é a única que se viu no último ano. Bloomberg calculou que o importe dos tratos levados a cabo no 2011 ascende xa a $25.000 millóns, a maior cifra na última década. O importe medio dos devanditos tratos foi de $702 millóns. Moitos analistas consideran que non será a única e que máis empresas químicas dispoñen do efectivo necesario para adquirir outras empresas. Algunhas das adquisicións que xa se levaron a cabo ou foron anunciadas están resumidas na seguinte táboa:

Data Comprador Obxetivo Cuantía
Anunciada en abril 2011 Solvay Rhodia €3.000 millóns
Dicembro 2011 BASF Cognis $4.300 millóns
Planexada DuPont Danisco $6.000 millóns
Anunciada febreiro 2011 Clariant Süd Chemie €2.000 millóns
Febreiro 2011 DSM Market Biosciences €790 millóns
Marzo 2011 Berkshire Hathaway Inc Lubrizol Corp $9.200 millóns

As adquisicións adoitan ter como obxectivo algunha das seguintes razóns:

  • Ampliar o catálogo de produtos existente, se é posible incorporando produtos de alto valor engadido. Os produtos derivados de fontes renovables son un dos obxectivos máis desexados, xunto coas empresas que producen ingredientes ou compoñentes para outros produtos.
  • Expandir a cobertura xeográfica rápida e eficazmente.
  • Entrar en novos mercados, creando sinerxias cos produtos xa existentes.

Máis información

Dúbidas sobre a compra de Danisco por DuPont (EN)

Clariant comprará o 95% de Süd Chemie (EN)

DSM compra Martek Biosciences (EN)

BASF completa a adquisición de Cognis (EN)